Патент құқығы

Тауар таңбасы, қызмет көрсету белгісі - бұл кейбір заңды немесе жеке тұлғалардың тауарлары мен қызметтерін басқа заңды немесе жеке тұлғалардың ұқсас тауарларынан және қызметтерінен ажыратуға қызмет ететін ұлттық немесе халықаралық заңдарға сәйкес қорғалатын белгі. Тауар белгілері тауарларға және олардың орамдарына, маңдайша жазуларға, жарнамаларға, баспа материалдарына, іскери құжаттарға, қызметтерді ұсыну, өндіріс, пайдалану, импорттау, сақтау, сатуға ұсыну, тауарлық белгіні немесе тауар шығарылған жердің атауымен тауарларды сатуда қолданылады.

Авторлық құқық - автордың жеке мүліктік емес және мүліктік құқықтары. Мысалы, ғылым, әдебиет және өнер туындылары. Сабақтас құқықтар - орындаушының, фонограмма жасаушының, эфирлік және кәбілдік хабар тарату ұйымының мүліктік құқықтары және орындаушының жеке мүліктік емес құқықтары. Мысалы, қойылымдар, фонограммалар, эфирлік және кабельдік хабар тарату ұйымдарының эфирлері. Авторлық құқық идеялардың, тұжырымдамалардың, принциптердiң, әдiстердiң, жүйелердiң, процестердiң, жаңалықтардың, фактiлердiң өздерiне қолданылмайды.

Өнеркәсiптiк меншiк oбъектiлерi - өнертабыстар, пайдалы модельдер және өнеркәсiптiк үлгiлер. Өнiмге, әдiске, сондай-ақ белгiлi өнiмдi немесе әдiстi жаңа мақсатта немесе жаңа өнiмдi белгiлi бiр мақсатта қолдануға жататын кез келген саладағы техникалық шешiмдер өнертабыс ретiнде қорғалады. Адамдарды немесе жануарларды емдеудің диагностикалық, терапиялық және хирургиялық тәсілдерін қоспағанда, өнімге, тәсілге, сондай-ақ белгілі өнімді немесе тәсілді жаңа мақсат бойынша не жаңа өнімді белгілі бір мақсат бойынша қолдануға жататын, кез келген саладағы техникалық шешімдер пайдалы модельге жатады. Бұйымның сыртқы түрiн айқындайтын өнеркәсіптік немесе қолөнер кәсібі өндірісі бұйымының көркем-конструкторлық шешiмі өнеркәсiптiк үлгiге жатады.

Коммерциялық құпия немесе ноу-хау - бұл шектеулі адамдардың қол жетімділігіне байланысты нақты немесе ықтимал коммерциялық мәні бар ақпарат. Мұндай ақпарат заңды негізде еркін қол жетімді емес және оның иесі оның құпиялығын сақтау үшін ақылға қонымды шаралар қолданады. Ноу-хау құпия ақпаратқа зияткерлік меншік құқығына жатады және сатылуы немесе лицензиялануы мүмкін. Коммерциялық құпияны құрайтын ақпараттың тасымалдаушылары материалдық объектілер, оның ішінде физикалық өрістер болып табылады, оларда коммерциялық құпияны құрайтын ақпарат символдар, үлгілер, сигналдар, техникалық шешімдер мен процестер түрінде көрсетіледі.

дербес деректер – мәліметтер негізінде айқындалған немесе айқындалатын дербес деректер субъектісіне қатысты, электрондық, қағаз және (немесе) өзге де материалдық жеткізгіште тiркелген cол мәліметтер. Қолжетімділігі шектеулі дербес деректерге қол жеткізе алатын меншік иелері және/немесе операторлар, сондай-ақ үшiншi тұлғалар субъектінің немесе оның заңды өкілінің келісімі не өзге де заңды негіздер болмағанда оларды таратуға жол бермеу талаптарын сақтау арқылы олардың құпиялылығын қамтамасыз етедi.

Блокчейн - өзара байланысты деректер блоктарының, тұтастығын растаудың берілген алгоритмдері мен шифрлау құралдарының тізбектері базасында деректердің таратылған платформасындағы ақпараттың өзгермеуін қамтамасыз ететін ақпараттық-коммуникациялық технология. цифрлық актив - криптография және компьютерлік есептеу құралдарын қолдана отырып электрондық-цифрлық нысанда құрылған, қаржылық құрал болып табылмайтын мүлік, сондай-ақ мүліктік құқықтарды куәландырудың электрондық-цифрлық нысаны.